Da´a chhelonhe lhawe yell Zoolaga

Da´a chhelonhe lhawe yell Zoolaga

To da ba belonhe lhawe yell Zoolaga gok tej to da nhakin letez lenh yo´o da chhelllelhenhe lhawe yell, wench yelonhe tej yo´o da chhelgonhenhe llin chhala gakin da gash, da xhna nha da zide, chholdien nha chholyochixenhen len de´e nha nhis lenh nhe o lenh nhie chhopkz chhechhixen bilo.

Chhelgapen lo´o mult chen, multhiga chhala gakin kan chhelnha bene yelonhen tonh nhakin ka to arkw nha yeton chhoxonlenh danhiga chhelonhen lenh blag kate chheyosh chhelgapena nha chholyixjen lo wba wench shchachin nhachh chheluen lo´o ornh ga yeyen. Bene belonhe tej zjenhak: Bena lhe Felz Gabin, Dim Rike, nha to bene golh lhe Gostin na´a lla beniga kochh chhelonhe tej lhawe ba zzjenhake bene wak nha kochh chhelllelhenhe yo danh chhyashje.

Shamar lenh xa´a xhilha nhak yeto shin da belonhe lo´o yell la wench ka golata mechh chie kanhi. Golyilje xa´a chilha nha len len belonhe do´o chie nhachh chhelzolhawe chhelonhen da xhen, bena golle Eleuteria le´e benhe shamar lenh xa´a xhila.

Sab nha bant lez belonlhien kanhi lhawe yell lhalla nha chholxhuen lo´o mult kuench chhakin, lez bene golle Eleuteria benhe sab nha bat wench beten nha gota mechh chie.