Da´ chhelaze lhawe yell Zoolaga
Da´ chhelaze lhawe yell Zoolaga
Yell Zoolaga
chheyompiachhon lenh da´ chhelaze lhawe ne zjempanin oxklenh xozxtawchho
golnhita kanhi bolkanen chechho. Lhawe yell zjenhita bene chhelonhe lhachhe
xhaga kanho: Lukres Rike, Atalí Zel, Julian´ Zint nha bena lhe Josefin´.
Zoolaga zjede
tap kue lhachhe xhaga: naw, danh nhak dolhon da shish, kamis nha bchog nha
xhague danh daa yej.
Xhaga Zoolaga
danh da yej belyeyilj lhashe gak belonhen, la´a de´e gak zejlhallen kanho xhaga
nholha nhua yej ga´a, da nhak ka nhis, da gash, da xhna. Da gan zejlhallen
dolho ya´ yixe che Zoolaga. Dan yeto zejlhashen nhis. Da´a gash nhakin xhua, da
nhoxon chhio. Da xhna nhakin chhen che bene yixe, che bene Zoolaga nha bxoka
nhakin ka nhez nha nhez lhaz che yell walhall lenh chhozejlan negue nhak lhashe
ganh zuachho. Ka zejlhalle xhaga bene Zoolaga nha lezka nha nholha chholcheje
zode shish, bit zelhen nha nhua tap lforz xnhien, lie chholcheje da´a lenh bant
wench chhoxon xhague lenh zode, chholeje ye´el nha chhelonhe chop lhaz.
Bene byon
chholdie to lanhe shish nha to kamis shish, chholzue to lhapa gasj da nhak che
yelliga nha chholeje ye´el.
Comentarios
Publicar un comentario